- 1 -
جرحتني دمعتي
وتاهت خطوتي
في ظلمي وظلمتي
وعصتني كلمتي
ما بقاش حد ليا
غير جرحي وغربتي
جرحتني دمعتي
- 2-
ان كان فيه شئ فاضلي
ان كان فيه شئ يكون لي
هو قلبي محبيتي
ومرارة غربتي
ما بقاش حد ليا
غير جرحي وقسمتي
جرحتني دمعتي
- 3 -
العمر كله راح
ما بين بكى وجراح
والحلم اللي عايش بيه
لا بيهدى ولا بارتاح
ما بقاش حد ليا
غير جرحي وغربتي
جرحتني دمعتي
- 4 -
يارب بين رحمتك قلبي
قادر تنور بالهدى دربي
وتمسح دمعتي بحبك
وتهدي خطوتي لدربك
وتفرح بالرضا روحي
ويعيش القلب على عهدك
ما بقاش حد ليا
غير رب الدنيا ديه
هو اللي بيسامح
وبعفوه اتصالح
مع كل الدنيا ديه
تنور خطوتي
تبدد غربتي
وارضى بقسمتي
وتفرح دمعتي
...
نصر سليمان
ليست هناك تعليقات:
إرسال تعليق