الجمعة، 30 يوليو 2010
أنده عليك يا قلبي ... nasr soliman
انده عليك
يا قلبي
تايه في العتمة
دربي
العمر منا شارد
والحب بينا جاحد
والذنب هو ذنبي
...
انده عليك
يا قمري
ما بقاش كتير
في عمري
تعالى وعيش
في قلبي
وعيش معايا
حبي
...
ان كان
فيه عمر فات
ومرارة ذكريات
تعالى
نخلي يومنا
جنينة ورد حلوه
نحضن
في كل لحظة
نبض الوداد
في غنوه
تحكى لنا عن هوانا
عن شوقنا ... عن هنانا
ونقول للدنيا احنا
حبينا بنبض روحنا
وشقينا كتير
ولكن
سامحنا اللي جرحنا
ده احنا عى طول حبايب
في القرب ... وهو غايب
تجمع قلوبنا نبضه
و شوق هوانا ومضه
تنور الليالي
والعمر معاك
يا غالي
بيمر زي لحظه
...
نصر سليمان
الخميس، 1 يوليو 2010
توعديني ...
توعديني
نبقى واحد
قلب واحد
مهما كان
توعديني
بالمحبة
بالتفاهم
والحنان
صدقيني
قلبي طاير
قلبي حاير
من زمان
توعديني
تبقي شطي
تبقي خطي
على الدوام
تفهميني
من سكاتي
تبقي ذاتي
من غير ملام
اعذريني
قلبي حالم
قلبي هايم
مع احلام
...
نصر سليمان
الاشتراك في:
الرسائل (Atom)